Delhi Belly 故事大綱: 三個地獄黑仔王:一個無錢、一個無女、一個無喇叭正露丸,三件麻甩仔住埋一齊更加累鬥累!生活已經苦過弟弟,點知送個包裹都送出個大頭佛!!! 糖少(Tashi)被空姐女友逼婚同一時間同女同事擦出火花,點知女同事有個躁狂丈夫,拎槍開車追佢九條街。李粉(Nitin)想住免費屋,居然膽生毛去挖包租公黑材料,但原來包租公有個當差阿哥,誓要為細佬出頭。阿茂(Arup)畀愛人飛,唯有靠妄想自我安慰,返到公司仲畀老闆窒頭窒勢,呢個Moment唔爆點得? 三個同屋主本來已經係黑仔王,以為衰到貼地,估唔到地下可以加多一層──幫人送個包裹,都居然招惹到江湖大佬,搞到全城黑白兩道大追捕。今次要點收科至好? 導演 Director: 阿比軒尼戴奧 Abhinay Deo 演員 Casts :Imar Khan; Vir Das; Kunaal Roy Kapur; Shenaz Treasury 片長 Duration:103 min 上映日期 Release Date:10 – 5 – 2012 Special Thanks to: UA Cinemas |
全站熱搜
留言列表